الليل عـيـا لا يـطـوف مـن الـسـهـر
والفكر شارد في متـاهـات الـظـلام
غفـيـت وكـنـي راحـل بـزاد الـقـهـر
ثم قمت مبلي في دروب الإنفصـام
أعمى بصيره مانـي بـأعـمـى بـصـر
أمشي ولاني باخص حـدود النـظـام
أعني بها مـثـل السـفـيـنـه بالـبـحـر
تمشي ولاهي عـارفـة سـر العـوام
في رحلةٍ جالت عن المرسـى دهـر
مضمونها هـل يصبح المـعـتـوه هـام
يا ناس لو مـا يـصـلـح الـعـاقـل بـشـر
والله لأقول بها على الـدنـيـا الـسـلام
ولـو يـفـسـد الـورده كـثـر لـد الـنـظـر
كان انتهي وقـت الـورود مـع الـزحـام
مـن عاش بالحيلة يمـوت مـن الـفـقـر
ومـن مــات بـالـعـزه يـخـلــد بـالأنــام
كيف أبتدي والمـبـتـدى عـنـدي خـبـر
وكيف أنتهي في ظل عصر الانقسام
المشـكـلـه مــرت ومـا ودهــا تـمــر
المشـكـلـه صارت خصامٍ في خصام
ماهي بلحيـة مـفـرده وحـرفـيـن جـر
لا لا ولاهي فضفضه بـاسـم الـمـلام
يا هاجسي لا صرت مخطـي اعـتـذر
ولا صرت صايب بالصدر عـلـق وسـام
يا هاجسي خذها عـلـى مـد الـعـمـر
نصيحةٍ تـروي ضـمـاك مـن الـصـيـام
أكـبـر قـهـر لا جـاتـك سـهـام الـغـدر
لأن الـتـصـور مـا يـوصــف بـالــكــلام
وأكبر فخر لاجتـك طـعـنـة بـالـظـهـر
لأنـهـا شـهـاده تـثـبـت أنـك بـالأمـام