سينمممممممممممممممممما ف السعودية

خلونا نكون واقعيين

جميع دول العالم يوجد بها صالات سينما الا هنا بالسعودية

الحين مافيه بيت مافيه ستالايت

ومافيه مدينه الا فيها محلات فيديو ( مع انها بدت تنقرض ) ؟

هذولي اللي قلتلكم عليها خاصة الدشوش اللي بالبيوت أشد وأخطر من صالات السينما لاننا مانتحكم فيها

ولاتنسون محلات الكمبيوتر هالبنقاليه يدّهرون بهالسيديات وماخفي أعظم


اللي يبي الشر يلقاه بكل مكان


لكن وش يمنع انه ما توجد عندنا في المملكه العربية السعودية صالات سينما


دام الرقابه عليها موجوده وش المانع طيب ؟


ودي اعرف ليش ؟

قصدكم الاختلاط ؟

الاختلاط بكل مكان واللي يبي الشر يلقاه بكل مكان زي ماقلت

وبعدين لاتخافون يحطون صالات للعوايل وصالات للشباب وصالات للنساء

مافيها شي

خلوا الشباب أقل شي يلقون شي يروحون له

مافيه شي ابد الا دوران بالتحليه والا العليا والا التخصصي والا هالكوفي شوب

حتى الاسواق ممنوعين يروحون لها

اقل شي الواحد يرفه عن نفسه شوي


غير كذا مافيه؟


أطالب بوجود صالات سينما